املی آلو بخارا شربت

To read the description in english click here

املی آلو بخارا شربت گرمیوں کا ایک تازگی بخش مشروب ہے، جو نہ صرف ذائقے میں لاجواب ہوتا ہے بلکہ صحت کے لیے بھی بے شمار فوائد رکھتا ہے۔ املی اور آلو بخارے کی افادیت مل کر اس شربت کو گرمی کی شدت میں راحت پہنچانے والا مشروب بنا دیتی ہے۔ پاکستان میں یہ شربت اپنی میٹھی کھٹی اور فرحت بخش خاصیت کی وجہ سے گھروں اور سڑک کنارے ٹھیلوں پر عام دستیاب ہوتا ہے۔ لیکن سڑک کنارے بننے والے مشروبات جراثیم سے بھرپور اور صحت کے لیے نقصان دہ ہو سکتے ہیں۔بہترین انتخاب ہمیشہ گھر کا بنا ہوا، قدرتی اور صاف ستھرا مشروب ہوتا ہے۔

لو، امّاں کا املی آلو بخارا شربت اعلیٰ معیار کے اجزاء سے اور مکمل صفائی و احتیاط کے ساتھ تیار کیا جاتا ہے۔

املی آلو بخارا شربت کے فوائد

• املی اور آلو بخارا دونوں ہی غذائیت سے بھرپور قدرتی اجزاء ہیں، جن کے امتزاج سے یہ شربت نہایت فائدہ مند بن جاتا ہے۔
• املی میں وٹامن سی ، پوٹاشیئم، میگنیشیم، اور کیلشیم پایا جاتا ہے
• اسی طرح، آلو بخارا وٹامن سی، وٹامن کے، پوٹاشیئم اور فائبر سے بھرپور ہوتا ہے۔
• املی اور آلو بخارا دونوں میں اینٹی آکسیڈنٹس موجود ہوتے ہیں جو جسم کو فری ریڈیکلز کے نقصان سے بچانے میں مدد دیتے ہیں۔
• املی اور آلو بخارا ہاضمے کے لیے فائدہ مند ہیں۔ یہ دونوں قدرتی طور پر ہلکے جلاب کے طور پر کام کرتے ہیں۔ املی میں قدرتی ہاضم انزائمز ہوتے ہیں جو کھانے کو توڑنے میں مدد دیتے ہیں، جبکہ آلو بخارا میں سوربیٹول ہوتا ہے، جو ہاضمے کے لیے مفید ہے۔
• املی اور آلو بخارا دونوں میں درد اور سوجن کو کم کرنے والی خصوصیات ہوتی ہیں،یہ جوڑوں کے درد جیسے مسائل میں فائدہ دیتے ہیں۔

استعمال کا طریقہ

• ایک گلاس ٹھنڈے پانی میں 3 سے 4 کھانے کے چمچ املی آلو بخارا شربت ڈالیں۔
• اچھی طرح چمچ سے مکس کریں۔
• اگر زیادہ ٹھنڈا پینا چاہیں تو برف کے ٹکڑے بھی شامل کر سکتے ہیں۔